اه ياااااااااااااني |
| جديد المنتدي |
هذا الموضوع يتحدث عن اه ياااااااااااااني, وكاتبه, Shadowless, وكتب عن: حملة جديدة على الفيس بوك باسم (جمال مبارك) تدعمه رئيساً للجمهورية قالت إحدى الصحف أنها حصلت على البريد الإلكتروني الخاص بجمال مبارك نجل الرئيس والمرش ... لمعرفة المزيد كل ما عليك هو النزول لأسفل وعرض المحتوي
اه ياااااااااااااني |
 Jul 29 2010, 01:03 AM
مشاركة
#1
|
|
 يااااااااااا رب....  المجموعة: الأعضاء المشاركات: 2,798 التسجيل: 22/10/07 البلد: WhO KnOwS رقم العضوية: 589 الحالة :BPPV, Plz go away  |
حملة جديدة على الفيس بوك باسم (جمال مبارك) تدعمه رئيساً للجمهورية
قالت إحدى الصحف أنها حصلت على البريد الإلكتروني الخاص بجمال مبارك نجل الرئيس والمرشح المحتمل للرئاسة في انتخابات الرئاسية العام المقبل على حد وصف الصحيفة. وذكرت الصحيفة أن شخصاً ربما يكون جمال مبارك نفسه انشأ حساباً على موقع التواصل الاجتماعي "فيس بوك" بالبريد الإلكتروني لجمال مبارك. وأطلقت الصفحة لحملة لدعم جمال مبارك كرئيس لمصر في 2010، وحملت الصفحة تعليقات مثل "" بارك مفجر ثورة التصحيح وحامل لواء الإصلاح.. من يستحق منصب الرئاسة ..من يستطيع قيادة مصر .. ومن يتحمل المسؤولية .. مصر بحاجة إلى رئيس قوى مثل مبارك يستطيع الإمساك بزمام أمورها بيد قوية ترهب من يحاول العبث بها وبمقدراتها .. رئيس يحافظ على الاستقرار والإصلاح ويقضي علي الفساد ". يقول أحد الشباب في تعليق يؤيد فيه جمال مبارك "في حالة عدم تُرشح الرئيس مبارك لفترة حكم جديدة أرشح وبقوة السيد جمال مبارك لعدة أسباب هي السيد جمال مبارك نشأ في بيت رجل عسكري وهذا معناه التزام وأمانة ومصلحة البلد أولاً، نشأته في بيت رئيس مصر لمدة 29 عاما أي قضى فترة شبابه الحقيقية حين بدا الرئيس الفاضل مبارك حُكمه لمصر وهذا أعطاه خلفية سياسية عن العلاقات الخارجية والداخلية". ورأى الشاب أن هذه الأسباب كافية د إن السيد جمال مبارك في حال ترشحه لرئاسة الجمهورية سوف يطرح على شعب مصر برنامجاً فعالاً للتنمية الحقيقية السريعة الخُطى تجعل مصر تُحقق خطوات كثيرة متلاحقة. وقال تعليق آخر "نحن سوف نكون مستعدين للتجاوب معه لأنه باختصار سوف يكون عهد جديد نتوقع فيه التغيير في كافة الأمور الحياتية والسياسية والاقتصادية بنسبة 100% ولذلك هذا سوف يُعطي دفعة كبيرة لإجراء تغييرات واسعة النطاق في فترة قصيرة وسوف نتحمل بالتأكيد آثارها الجانبية لأنه مها أعدت الخطط فالكمال لله وحده". --------------------  DAMN, IN THE MIDDLE OF A WHIRLPOOL |
 |
 
|
 |
|
Jul 29 2010, 01:06 AM
مشاركة
#2
|
|
|
يااااااااااا رب.... المجموعة: الأعضاء المشاركات: 2,798 التسجيل: 22/10/07 البلد: WhO KnOwS رقم العضوية: 589 الحالة :BPPV, Plz go away |
يعني غض النظر عن الشخص انا عايز بس شوية تدقيق في الدفوع, يعني محاربة الفساد و لا تعليق طبعا, و متربي في بيت الرئاسة 27 سنة و دي بقي ميزة كبيرة فيه, يعني انا بس عايز اعرف هو فيه ناس بتفكر كدة فعلا, و السؤال الاهم هل فيه حد ممكن يقتنع بكلام زي دة, و الاهم من دة كله بقي يا تري اللي كاتب التعليق دة متخيل ان اثره هيبقي ايجابي في استيعاب الناس لقضيته؟
مش هسيب الا دول !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! -------------------- DAMN, IN THE MIDDLE OF A WHIRLPOOL |
|
|
|
|
Jul 29 2010, 02:39 AM
مشاركة
#3
|
|
 عضو فعّال المجموعة: الأعضاء المشاركات: 682 التسجيل: 26/12/08 البلد: بلا مكان .. بلا وطن رقم العضوية: 2,523 الحالة :صمتى ليس جهلا بما حولى ولكن ماحولى لايستحق الكلام |
إقتباس متربي في بيت الرئاسة 27 سنة و دي بقي ميزة كبيرة فيه على كدا بقى لازم وحتما ولابد اللى متربى فى بيت وزير يطلع وزير واللى متربى فى بيت غفير ولا بواب لازم يطلع غفير او بواب بحكم الخبرة بقى !!!!! إقتباس يعني محاربة الفساد و لا تعليق طبعا على كدا بقى الراجل هيحارب ولى نعمته واللى مربيه وكل عيلته واصحاب العيلة كان ومش بعيد يحارب نفسه قبلهم بس فعلا انا شفت ناس كتير جداااااااااا بتقول نفس الكلام دا بالذات الناس الكبار .... اللى نعرفه احسن من اللى مانعرفوش الراجل ياما خدمنا سنين هننكر جميله علينا بقى يمكن ابنه يبقى احسن منه وهكذا بقى من الكلام اللى يشل لا يغير الله بقوم حتى يغيروا ما بأنفسهم --------------------  |
|
|
|
|
Jul 29 2010, 09:18 PM
مشاركة
#4
|
|
 عضو فعّال المجموعة: الأعضاء المشاركات: 1,111 التسجيل: 11/08/08 البلد: مصر رقم العضوية: 1,806 الحالة :صبرنى ياااارب |
إقتباس على كدا بقى لازم وحتما ولابد اللى متربى فى بيت وزير يطلع وزير واللى متربى فى بيت غفير ولا بواب لازم يطلع غفير او بواب بحكم الخبرة بقى !!!!! عند حق والله يامروة مش لازمن يعنى ابن الوزير يبقى انسان ملتزم وفيه كل الصفات الحلوة ان مقصدش على جمال مبارك بس يعنى مثلا المذيع ايهاب صلاح اهو كان ابن وزير برضه وفى الاخر قاتل وبيشرب بانجو يعنى منحكمش بالاب --------------------  |
|
|
|
|
Jul 29 2010, 09:40 PM
مشاركة
#5
|
|
 Dreamy المجموعة: الأعضاء المشاركات: 2,040 التسجيل: 28/02/09 البلد: zagazig رقم العضوية: 2,918 الحالة :يارب اهديني واهديهم |
أعطوه فرصته... يمكن.
-------------------- |
|
|
|
|
Jul 29 2010, 10:25 PM
مشاركة
#6
|
|
 عضو المجموعة: الأعضاء المشاركات: 299 التسجيل: 06/11/09 البلد: ام الدنيا رقم العضوية: 4,696 الحالة :الحمد لله |
مش عارفة ليه مش بحس انه جدير بده وانه هيغير حاجة
ده واحد اتربى وعاش معظم عمره فى مكان ميدهوش فرصة ان يعرف الناس ومشاكلهم كانه عايش فى برج وبيبص على اللى حواليه وبعدين هيحارب الفساد اللى عمله ابوه واللى سببته فترة حكم السيد الوالد بكده هيبقى بيحارب كل عيلته زى ما قالت مروة -------------------- |
|
|
|
|
Jul 30 2010, 01:23 AM
مشاركة
#7
|
|
|
يااااااااااا رب.... المجموعة: الأعضاء المشاركات: 2,798 التسجيل: 22/10/07 البلد: WhO KnOwS رقم العضوية: 589 الحالة :BPPV, Plz go away |
إقتباس أعطوه فرصته... يمكن. ندي لمين فرصة ايه محنا في عهد السيد الوالد بقالنا 27 سنة اهو و اديكي شايفة حال البلد بنفسك علي جميع الاصعدة الا اذا كان ليكي راي اخر, و بعدين النظام الجمهوري دة معمول ليه طيب منقلبه ملكي احسن بقي.... -------------------- DAMN, IN THE MIDDLE OF A WHIRLPOOL |
|
|
|
|
Jul 30 2010, 10:11 PM
مشاركة
#8
|
|
 عضو فعّال المجموعة: مجموعة نصرة رسول الله المشاركات: 4,928 التسجيل: 01/06/07 البلد: بنهـا رقم العضوية: 192 الحالة :الحمــــــد لله .. |
إقتباس محنا في عهد السيد الوالد بقالنا 27 سنة اهو و اديكي شايفة حال البلد بنفسك علي جميع الاصعدة الا اذا كان ليكي راي اخر, و بعدين النظام الجمهوري دة معمول ليه طيب منقلبه ملكي احسن بقي.... طيب انا عندي سؤال وفعلا مقصدش تأكيد ولا نفي انا لسه مش متابعة ولا كونت رأي بس جمال مبارك لو هيترفض هيترفض كشاب مصري عادي والشعب شايفه مش مؤهل للحكم .. ولا هيترفض علشان هو جمال حسني مبارك وبس ؟ يعني اللي بيقولوا ممكن نرشح جمال لو اتقدم بيبقي كلامهم زي المقال فعلا وانا سمعت دا بنفسي من ناس كتير اعرفهم واللي بيرفضوا دا .. محور كلامهم بيدور انه ابن الريس واحنا مش زي سوريا ولا هنسمح بدا فياريت لو في اسباب تانية لرفض جمال حد يقولها يمكن انا مش متابعة ومعرفش ايه بيتقال وشكرا علي الموضوع --------------------  الحمــــــد لله .. |
|
|
|
|
4 أسابيع مضت
مشاركة
#9
|
|
|
يااااااااااا رب.... المجموعة: الأعضاء المشاركات: 2,798 التسجيل: 22/10/07 البلد: WhO KnOwS رقم العضوية: 589 الحالة :BPPV, Plz go away |
إقتباس بس جمال مبارك لو هيترفض هيترفض كشاب مصري عادي والشعب شايفه مش مؤهل للحكم .. ولا هيترفض علشان هو جمال حسني مبارك وبس ؟ يعني اللي بيقولوا ممكن نرشح جمال لو اتقدم بيبقي كلامهم زي المقال فعلا وانا سمعت دا بنفسي من ناس كتير اعرفهم واللي بيرفضوا دا .. محور كلامهم بيدور انه ابن الريس واحنا مش زي سوريا ولا هنسمح بدا فياريت لو في اسباب تانية لرفض جمال حد يقولها يمكن انا مش متابعة ومعرفش ايه بيتقال هي الناس الواسطة اللي جاية في كل حتة دي مرفوضة ليه ؟ يعني مثلا واحد ابوه مستشار هو بقي وكيل نيابة, يا تري دة مرفوض ليه مرفوض لانه اولا مينفعش كدة لان كل المناصب الكبري هتبقي حكرا علي اولاد اصحابها و المجتمع هيعاني من طبقية مستمرة هتقتل فيه الابداع من الاساس, لان كل واحد خلاص ضمن وظيفته و هو فين من و هو لسة مولود اصلا و ثانيا لانه بيقتل فرص ناس تانيين بالتاكيد اجدر و احق بتولي الوظيفة دي لو في بلد تانية كنت قلتلك ايوة ايه يعني ينزل و حسب كفاءته ينجح او لا ينجح, مثلا في امريكا بوش الابن مسك بعد بوش الاب بولايتين و كانوا لرئيس واحد هو كلينتون, هل حد في امريكا قال دة توريث, ابدا طبعا محصلش لان الانتخابات هناك حرة انما تتوقعي كدة ابن الرئيس مبارك لما يترشح في عهد سلطة الرئيس مبارك حتي و لو حكمه انتهي المنتفعين هيسيبوا الانتخابات تعدي بنزاهة كدة, انا شخصيا غير معترف بكلمة انتخابات نزيهة في مصر, اذن النتيجة توريث رسمي... -------------------- DAMN, IN THE MIDDLE OF A WHIRLPOOL |
|
|
|
|
4 أسابيع مضت
مشاركة
#10
|
|
|
عضو فعّال المجموعة: مجموعة نصرة رسول الله المشاركات: 4,928 التسجيل: 01/06/07 البلد: بنهـا رقم العضوية: 192 الحالة :الحمــــــد لله .. |
إقتباس هي الناس الواسطة اللي جاية في كل حتة دي مرفوضة ليه ؟ يعني مثلا واحد ابوه مستشار هو بقي وكيل نيابة, يا تري دة مرفوض ليه مرفوض لانه اولا مينفعش كدة لان كل المناصب الكبري هتبقي حكرا علي اولاد اصحابها و المجتمع هيعاني من طبقية مستمرة هتقتل فيه الابداع من الاساس, لان كل واحد خلاص ضمن وظيفته و هو فين من و هو لسة مولود اصلا و ثانيا لانه بيقتل فرص ناس تانيين بالتاكيد اجدر و احق بتولي الوظيفة دي لو في بلد تانية كنت قلتلك ايوة ايه يعني ينزل و حسب كفاءته ينجح او لا ينجح, مثلا في امريكا بوش الابن مسك بعد بوش الاب بولايتين و كانوا لرئيس واحد هو كلينتون, هل حد في امريكا قال دة توريث, ابدا طبعا محصلش لان الانتخابات هناك حرة انما تتوقعي كدة ابن الرئيس مبارك لما يترشح في عهد سلطة الرئيس مبارك حتي و لو حكمه انتهي المنتفعين هيسيبوا الانتخابات تعدي بنزاهة كدة, انا شخصيا غير معترف بكلمة انتخابات نزيهة في مصر, اذن النتيجة توريث رسمي... برده يعني السبب الرئيسي انه ابن الريس طبعا كلامك صح جدااااا ان لو الانتخابات في مكان نزيه محدش كان هيرفض دا لكن بالكلام دا يبقي موافقتنا او عدمها مش هتفيد بحاجة وترشيحنا لجمال او رفضه مش هيفرق كتير ما دام كدا كدا اذا فكر ينزل الانتخابات هتتزور ويكسبها سواء قلنا اه او لا انا بسأل بس عن اسباب رفض جمال مبارك غير انه ابن الريس الدكتور ابنه ممكن يبقي دكتور كويس او لا لو اتقدم دكتور كويس لمنصب معين وباباه دكتور واحنا رفضناه لمجرد السبب دا بس يبقي كدا ظلمناه لكن لو باباه دكتور وهو دكتور مش كويس يبقي عندنا اسبابنا في رفضه مش بس علشان باباه دكتور نفس الموضوع بالنسبة لوكلاء النيابة والمستشارين انا شفت الـ 3 حالات في ناس اعرفهم الولد المجتهد اللي رتب علي دفعته وخد النيابة بدون واسطة والولد اللي باباه مستشار ودخل حقوق بـ 99 % وبيرتب علي دفعته بمجهوده والولد اللي باباه مستشار وعينه لمجرد انه مستشار وخد حق غيره رقم 2 و3 ممكن يبانوا انهم واحد ولو انا قلت الاتنين واخدينها كوسة وارفضهم يبقي ظلمت رقم 2 دا اللي اقصده .. خايفة اكون بتكلم في حاجة مش فاهماها وبجادل بدون علم بس عموما متابعة النقاش ان شاء الله -------------------- الحمــــــد لله .. |
|
|
|
|
4 أسابيع مضت
مشاركة
#11
|
|
 عضو المجموعة: الأعضاء المشاركات: 203 التسجيل: 23/05/09 البلد: مصر رقم العضوية: 3,649 |
إقتباس(zeinab @ Aug 1 2010, 10:11 PM)  انا بسأل بس عن اسباب رفض جمال مبارك غير انه ابن الريس بصي يا دكتورة ............ انا مش هاتكلم عن جمال مبارك او غيره ،،،، (مش وقته ومش مكانه) انا هاوضحلك بس يعني ايه انتخابات رئاسة يعني بتختاري القائد اللي هيقود مسيرة الدولة ومعه النظام العام للدولة يعني بتختاري الرئيس ومستشاري الرئيس وكل مؤسسة الرئيسة يعني بتختاري رئيس الوزراء والوزراء والمحافظين ورؤساء المجالس المحلية في كل مدينة وقرية وحي يعني بتختاري شكل مجلس الشعب ومجلس الشوري وكل المجالس الوطنية يعني بتختاري مستوي الاقتصاد وكمية الصناعات وحجم الاستثمارات والاهم اتجاه الاستثمار يعني بتختاري الكلام اللي هتقرئيه في الاهرام والجمهورية والاخبار وكمان صحف المعارضة وكمان هتشوفي ايه بكرة في التلفزيون يعني بتختاري وزير التعليم العالي وبالتالي رئيس جامعتك وبالتالي عميد كليتك وبالتالي رئيس القسم وبالتالي هتحددي في انتخابات الرئاسة الدكتور هيديكي المحاضرة ولا مش هييجي يعني بتختاري الكتب اللي اخوك الضغير وان شاء الله ابنك هيدرسها في المدرسة وكمان شكل المدرسة ومستوي المدرس واسلوب التقييم يعني بتختاري شكل مستقبلك وهتشتغلي فين وهتسكني فين يعني هتختاري طعم المياه اللي بتشربيها ونوع الاكل اللي هتاكليه وشكل الملابس اللي هتلبسيها يعني بتختاري شكل المواصلات اللي هتركبيها وشكل الطريق اللي هتمشي عليها ، وهل هنستمر الدولة الاولي في العالم في حوادث الطرق ولا لأ يعني بتختاري طريقة المعالمة اللي هتتعاملي بيها في اقسام الشرطة ، وسلوك الظباط وامناء الشرطة في الشارع يعني هتختاري –اما تقعي في مشكلة- مين وكيل النيابة اللي هيحقق معاكي ومين القاضي اللي هيحكم يعني هتختاري شكل المستشفي ومستوي الخدمات ودرجة كفاءة الدكتور اللي هيعالجك يعني هتختاري مستوي الخدمات في المصالح الحكومية وطريقة الحصول علي الخدمة يعني هتختاري شكلك كمصرية لما تطلع برة مصر وطريقة معاملة المصريين بالخارج يعني هتختاري مين اللي هيحكم المنطقة العربية ومين هيسيطر ومين هيبعد وموازين القوة هتمشي ازاي يعني هتختاري لإسرائيل نفسها اذا كانت هتضرب فلسطين تاني ولا لأ ، وهتختاري اذا كانت دارفور هتفضل فيها المجاعة ولا لأ وذا كانت السودان هتنقسم ولا لأ ناس كتير هتستغرب من كلامي ده ......... وعندهم حق ؛ لأنهم شايفين الانتخابات في امريكا واوروبا مش بتعمل كل التغيرات دي لكن الشيء المختلف بيننا وبينهم ان هناك دولة مؤسسات ، فيها 4 او 5 مراكز قوي بتشارك في اتخاذ القرار والرئيس احد هذه المؤسسات وبالتالي مش بيكون له تأثير كبير اما في مصر فالنظام عندنا بيعتمد علي تسلسل هرمي للسلطات تحت سيطرة شبه مطلقة لمؤسسة واحدة وهي مؤسسة الرئاسة ........ يعني نظام اشبه بالملكية منه الي النظام الجمهوي انتخابات الرئاسة في مصرتعني اختيار كل مؤسسات الدولة الحاكمة ، واختزالها في شخص واحد لا يجوز -------------------- قمة الحرية هي حرية التفكير وهي حرية لا يبلغها إلا الصفوة  سبحان الله وبحمده ..سبحان الله العظيم اللهم ما بي من نعمة أو بأحد من خلقك فمنك وحدك لا شريك لك.............فلك الحمد ولك الشكر |
|
|
|
|
4 أسابيع مضت
مشاركة
#12
|
|
|
يااااااااااا رب.... المجموعة: الأعضاء المشاركات: 2,798 التسجيل: 22/10/07 البلد: WhO KnOwS رقم العضوية: 589 الحالة :BPPV, Plz go away |
إقتباس انا بسأل بس عن اسباب رفض جمال مبارك غير انه ابن الريس السبب اننا في مصر هرد عليكي بطريقة تانية عشان اوصلك ان مش السبب الاساسي انه ابن الرئيس انما السبب الاساسي انه ماشي علي توجهات ابوه لو جمال مبارك ترشح مستقل او تبع اي حزب اخر غير الحزب الوطني شرط انهم ميسيبوش الوطني فاضي و كل الكوادر تتنقل و تروح حزب تاني و يسموه اسم تاني انا مش هيبقي عندي اي مشكلة في جمال مبارك كشخص, برضه شريطة ان الحزب الوطني ينزل ادامه بمرشح, و دة لسببين, الاول هحس انه عايز يغير حاجة فعلا في العهد اللي احنا فيه و الثاني اني ضامن انه لو فاز هيفوز بمجهوده.... كلمة جولدن إقتباس انتخابات الرئاسة في مصرتعني اختيار كل مؤسسات الدولة الحاكمة ، واختزالها في شخص واحد لا يجوز صحيحة تماما, و المشكلة ان العالم كله كان لغاية من 150 سنة فاتوا بس بيعاني من نفس الموضوع, ان صاحب السلطة له السلطة المطلقة, حتي كنا نلاقي الامبراطوريات بتاعة زمان بتمر بقمم و قيعان حسب العهود, يعني جه عهد حاكم كويس نبص نلاقي الدولة في السما, جه حاكم مش كويس نبص نلاقس الدولة في الارض و هكذا انما مصر مع احترامي مش ممكن ابدا يحكمها واحد, انا من وجهة نظري ان مصر محكومة بطريقة الفراعنة في هذا العهد بالذات, حاكم في المواجهة يحكم رسميا و شكليا امام الناس كرمز لا يمكن المساس به, اما الحاكم الحقيقي فهم الكهنة في عصر الفراعنة او حاشية الحاكم حاليا, و هم دول الاصل و موجودين حاليا في مصر و معروف منهم ناس بالفعل, هم دول الحاكم الحقيقي اللي بيوجه سياسات الدولة, و لذلك في النظام الفردي يلزم وجود انسان قوي جدا عشان يسيطر علي مراكز القوة دي قبل ميسيطر علي الدولة نفسها اصلا... -------------------- DAMN, IN THE MIDDLE OF A WHIRLPOOL |
|
|
|
|
4 أسابيع مضت
مشاركة
#13
|
|
|
عضو فعّال المجموعة: مجموعة نصرة رسول الله المشاركات: 4,928 التسجيل: 01/06/07 البلد: بنهـا رقم العضوية: 192 الحالة :الحمــــــد لله .. |
إقتباس اما في مصر فالنظام عندنا بيعتمد علي تسلسل هرمي للسلطات تحت سيطرة شبه مطلقة لمؤسسة واحدة وهي مؤسسة الرئاسة ........ يعني نظام اشبه بالملكية منه الي النظام الجمهوي انتخابات الرئاسة في مصرتعني اختيار كل مؤسسات الدولة الحاكمة ، واختزالها في شخص واحد لا يجوز إقتباس هرد عليكي بطريقة تانية عشان اوصلك ان مش السبب الاساسي انه ابن الرئيس انما السبب الاساسي انه ماشي علي توجهات ابوه لو جمال مبارك ترشح مستقل او تبع اي حزب اخر غير الحزب الوطني شرط انهم ميسيبوش الوطني فاضي و كل الكوادر تتنقل و تروح حزب تاني و يسموه اسم تاني انا مش هيبقي عندي اي مشكلة في جمال مبارك كشخص, برضه شريطة ان الحزب الوطني ينزل ادامه بمرشح, و دة لسببين, الاول هحس انه عايز يغير حاجة فعلا في العهد اللي احنا فيه و الثاني اني ضامن انه لو فاز هيفوز بمجهوده.... تمام كدا فهمت يعني الرفض مش لجمال مبارك في شخصه بس رفض للحزب او الطريقة اللي بيدار بيها الحزب واحنا مجربينها من كام سنة واللي هينفذها اي حد هيُنتخب منه سواء جمال او غيره كدا تمام جزاكم الله خيرا -------------------- الحمــــــد لله .. |
|
|
|
|
4 أسابيع مضت
مشاركة
#14
|
|
 عضو فعّال المجموعة: مجموعة الصيدليه الخيريه المشاركات: 5,004 التسجيل: 25/05/07 البلد: مصر .. رقم العضوية: 157 الحالة : !!!!!!!!!! |
لا مؤاخذة يا محمد .. ما كنتش شفت موضوعك والله قبل ما أحط الموضوع اللى حطيته امبارح
-------------------- |
|
|
|
|
4 أسابيع مضت
مشاركة
#15
|
|
|
يااااااااااا رب.... المجموعة: الأعضاء المشاركات: 2,798 التسجيل: 22/10/07 البلد: WhO KnOwS رقم العضوية: 589 الحالة :BPPV, Plz go away |
إقتباس تمام كدا فهمت يعني الرفض مش لجمال مبارك في شخصه بس رفض للحزب او الطريقة اللي بيدار بيها الحزب واحنا مجربينها من كام سنة واللي هينفذها اي حد هيُنتخب منه سواء جمال او غيره كدا تمام جزاكم الله خيرا ايوة كدة تمام, جزانا الله و اياكم كل الخير... إقتباس لا مؤاخذة يا محمد .. ما كنتش شفت موضوعك والله قبل ما أحط الموضوع اللى حطيته امبارح sad.gif يا ابو حامد باشا انت تعمل اللي انت عايزه و لا يهمك, عادي مفيش اي مشاكل -------------------- DAMN, IN THE MIDDLE OF A WHIRLPOOL |
|
|
|
|
3 أسابيع مضت
مشاركة
#16
|
|
|
عضو فعّال المجموعة: مجموعة الصيدليه الخيريه المشاركات: 5,004 التسجيل: 25/05/07 البلد: مصر .. رقم العضوية: 157 الحالة : !!!!!!!!!! |
طب خد دى ..
 أنا طبعا مش هنقل التعليقات اللى كانت تحت الصورة .. عشان المنتدى هنا قوانينه لا تسمح .. -------------------- |
|
|
|
|
3 أسابيع مضت
مشاركة
#17
|
|
|
عضو فعّال المجموعة: مجموعة الصيدليه الخيريه المشاركات: 5,004 التسجيل: 25/05/07 البلد: مصر .. رقم العضوية: 157 الحالة : !!!!!!!!!! |
-------------------- |
|
|
|
|
3 أسابيع مضت
مشاركة
#18
|
|
|
عضو فعّال المجموعة: مجموعة الصيدليه الخيريه المشاركات: 5,004 التسجيل: 25/05/07 البلد: مصر .. رقم العضوية: 157 الحالة : !!!!!!!!!! |
و ده لينك لحملة التوقيعات بتاعة المعارضة .. وصلوا دلوقتى حوالى نص مليون توقيع ..
https://www.tawkatonline.com/Statement.aspx -------------------- |
|
|
|
 |
| toolbar powered by Conduit |
|
نسخة خفيفة | SEO by MinervaSEO © Icelabz.net | الوقت الآن: 4th September 2010 - 11:33 PM |
