طفولتك اخبارها اييييييييييه!!!!!!!!!!!, التشرد هو السمه المميزه |
| جديد المنتدي |
هذا الموضوع يتحدث عن طفولتك اخبارها اييييييييييه!!!!!!!!!!!, وكاتبه, ANGEL, وكتب عن: ازيكم يا جماعه .. مش هطول بقا وسلام وكلام وبتاع . . الموضوع عباره عن : كل واحد هيدخل هيحكيلنا على بعض مواقف من الطفولة " بكل مراحلهــــا" اكيد ... لمعرفة المزيد كل ما عليك هو النزول لأسفل وعرض المحتوي
طفولتك اخبارها اييييييييييه!!!!!!!!!!!, التشرد هو السمه المميزه |
  Jan 19 2008, 12:21 AM
مشاركة
#1
|
|
 To Be Or Not To Be  المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata  |
 ازيكم يا جماعه .. مش هطول بقا وسلام وكلام وبتاع . . الموضوع عباره عن : كل واحد هيدخل هيحكيلنا على بعض مواقف من الطفولة " بكل مراحلهــــا" اكيد فى حاجات مش تتنسى ......ونحب نفتكرها دايما ونحكيها .. ذكريات جميله فعلا . . . انا عن نفسى كنت .. .. .. .. .. .. .. ولا خلينى انا بعد ما أشوف المواهب بتاعتكوا  يلا منتظركم تم تحرير المشاركة بواسطة ANGEL: Apr 22 2009, 09:58 PM --------------------  |
 |
 
|
 |
|
Jun 8 2010, 07:04 PM
مشاركة
#161
|
|
 عضو المجموعة: الأعضاء المشاركات: 299 التسجيل: 06/11/09 البلد: ام الدنيا رقم العضوية: 4,696 الحالة :الحمد لله |
الموضوع ده جميل اوى انا هحكى كده موقفين ليا
مرة كانوا واخدينى انا وابن خالى عشان يصورونا كان عندنا ساعتها سنة سنة وشوية كده(طبعا بابا وماما اللى بيحكوا اللى حصل) فهو هيتصور لوحده صورة وهو على كرسى وانا هتصور صورة لوحدى انا كمان وبعدين نتصور انا وهو واخواته مع بعض فهو اتصور وانا صورونى وانا لابسة تاج وماسكة ورد(بنوتة بقى) جه معاد الصورة الجماعية وبيقفوه جنبى على الكرسى فانا وبكل اصرار زقيته من على الكرسى لانه بتاعى لوحدى فوقع وقعد يعيط ما صدق ويسكتوا فيه مفيش لحد مسكت واتصورنا والدموع يا عينى كانت فى عنيه الموقف التانى وانا صغيرة كنت بسال كتير قوى وعلى حاجات غريبة يعنى مثلا ده اسمه ايه؟ بحر طب يعنى ايه بحر ؟وليه سموه بحر؟زى ما طفل بيتولد ويختاروا له اسم بيكون له معنى وسبب فانا كنت فاكره كل حاجة كده فكنا فى مصيف مرة وكنت بمارس عادتى وماما بتقولى حرام عليكى يا بنتى ارحمينى قام واحد جنبنا كده قالها دى هتطلع دكتورة(نفسى اشوف الراجل ده  هو اللى فول عليا لو كان سكت كان زمانى دلوقتى انسانة ناجحة منه لله ضيع من عمرى ست سنين  )
-------------------- |
|
|
|
|
Jul 19 2010, 04:48 PM
مشاركة
#162
|
|
|
To Be Or Not To Be المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata |
إقتباس موضوع جميل اوي شكرا .. جميل بتواجدكم فيه يا فندم  .إقتباس بجد مرحلة الطفولة اجمل مرحلة في حياتي دايما بحن ليها ونفسي ارجع لها جايز عشان كنت مدلعة بس ما انا لسه مدلعة جايز مكنش في عليه مسؤلية جايز عشان بتصرف بطبعتي وبصدق مش محتاجة ازوق الكلام او احاسب ع كلامي او اعامل كل حد بمعاملته واللي مهما عملت مش هقدر ارضي الكل لما بفتكر الطفولة بكل جمالها واشوف الدنيا الوحشة اللي حوليا بقول ياريتني ارجع تاني علي فكرة انا مش كئيبة اوي كدة بس دي لحظة صدق وتأمل في الدنيا  الطفوله محدش يقدر ينكر انها من افضل فترات حياة الواحد .. بس لازم بردو نبص فى الدنيا اللى حوالينا دلوقتى ونعرف الفرق دلوقتى عن زمان اننا واحنا اطفال كان تقريبا مفيش لينا دور مؤثر فى الحياه لانها كانت مرحله تعليم ومعرفه للدنيا وكيفية التأثير فيها وازاى بتاثر فينا .. انما دلوقتى احنا اللى بنساهم فى تشكيلها وبناثر فيها ونغير فيها .. ولو فيه حاجه مش عاجبانا ممكن نحاول تغييرها او تجنبها .. خلينا على الاقل نبدا بنفسنا ونحلم ببكره يكون احلى ان شاء الله . نورتى الموضوع يا هارت بيت .. مع انك مقولتيش اى حاجه عن مواقف طفولتك لسه -------------------- |
|
|
|
|
Jul 19 2010, 04:56 PM
مشاركة
#163
|
|
|
To Be Or Not To Be المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata |
إقتباس الموضوع ده جميل اوى انا هحكى كده موقفين ليا سعداء بانضمامك إقتباس مرة كانوا واخدينى انا وابن خالى عشان يصورونا كان عندنا ساعتها سنة سنة وشوية كده(طبعا بابا وماما اللى بيحكوا اللى حصل) فهو هيتصور لوحده صورة وهو على كرسى وانا هتصور صورة لوحدى انا كمان وبعدين نتصور انا وهو واخواته مع بعض فهو اتصور وانا صورونى وانا لابسة تاج وماسكة ورد(بنوتة بقى) جه معاد الصورة الجماعية وبيقفوه جنبى على الكرسى فانا وبكل اصرار زقيته من على الكرسى لانه بتاعى لوحدى فوقع وقعد يعيط ما صدق ويسكتوا فيه مفيش لحد مسكت واتصورنا والدموع يا عينى كانت فى عنيه ده اسمه ايه بقى ؟ افترى مثلا  ا إقتباس لموقف التانى وانا صغيرة كنت بسال كتير قوى وعلى حاجات غريبة يعنى مثلا ده اسمه ايه؟ بحر طب يعنى ايه بحر ؟وليه سموه بحر؟زى ما طفل بيتولد ويختاروا له اسم بيكون له معنى وسبب فانا كنت فاكره كل حاجة كده فكرتينى بابن اخويا  .. لو فتحت معاه فى سؤال ممن ميبطلش اسئله بعدها .. لغايه ما بقيت بقوله معرفش ساعات عشان اخلص منه  ف إقتباس كنا فى مصيف مرة وكنت بمارس عادتى وماما بتقولى حرام عليكى يا بنتى ارحمينى قام واحد جنبنا كده قالها دى هتطلع دكتورة ممكن يكون بتاع الودع "مش هو اسمه كده بردو " إقتباس (نفسى اشوف الراجل ده diablo.gif هو اللى فول عليا لو كان سكت كان زمانى دلوقتى انسانة ناجحة منه لله ضيع من عمرى ست سنين angry.gif ) ست سنين ايه بس انتى شكلك لسه متعرفيش المستقبل الباهر .. ربنا يتولانا برحمته .اضافه جميله يا اوشين ..نورتى الموضوع .. فى انتظار المزيد -------------------- |
|
|
|
|
Jul 19 2010, 07:14 PM
مشاركة
#164
|
|
|
عضو المجموعة: الأعضاء المشاركات: 299 التسجيل: 06/11/09 البلد: ام الدنيا رقم العضوية: 4,696 الحالة :الحمد لله |
إقتباس سعداء بانضمامك انا اللى اسعد بوجودى هنا إقتباس ده اسمه ايه بقى ؟ افترى مثلا افترى ايه ؟ انا بدافع عن الكرسى بتاعى الله إقتباس لو فتحت معاه فى سؤال ممن ميبطلش اسئله بعدها .. لغايه ما بقيت بقوله معرفش ساعات عشان اخلص منه ماما بقت تعملى كده بس على مين كنت برد عليها واقول ازاى تبقى ام ومتعرفيش مينفعش فبقت ترد على باى حاجة عشان اسكت ياما تسكت خالص وتقولى انا صدعت كفاية إقتباس ممكن يكون بتاع الودع "مش هو اسمه كده بردو اه اسمه كده بس هو بيقول كده عشان بسال كتير وبحب اعرف حاجات كتير فهبقى شاطرة وادخل طب بس إقتباس ست سنين ايه بس انتى شكلك لسه متعرفيش المستقبل الباهر .. ربنا يتولانا برحمته هما اكتر من كده انا عارفة ساتة بتطول بس اكيد فى حاجات مستخبية متقولش حاجة وخلينى كده على عماى انا لسه فى اول المشوار خلينى اكتشف الحقيقة المرة واحدة واحدة -------------------- |
|
|
|
|
Jul 28 2010, 09:16 PM
مشاركة
#165
|
|
|
To Be Or Not To Be المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata |
إقتباس افترى ايه ؟ انا بدافع عن الكرسى بتاعى الله بتاعك إقتباس laugh.gif laugh.gif ماما بقت تعملى كده بس على مين كنت برد عليها واقول ازاى تبقى ام ومتعرفيش مينفعش لا انا بعرف اسكته كويس قبل ما يوصل انه يقولى الكلام ده  إقتباس فبقت ترد على باى حاجة عشان اسكت ياما تسكت خالص وتقولى انا صدعت كفاية مهو ده كان بداية مشوارى مع ابن اخويا .. بس بعد ما اخدت خبره عرفت ازاى اتعامل معاه إقتباس هما اكتر من كده انا عارفة ساتة بتطول بس اكيد فى حاجات مستخبية متقولش حاجة وخلينى كده على عماى انا لسه فى اول المشوار خلينى اكتشف الحقيقة المرة واحدة واحدة لا بما انك مستجده يبقى متخافيش ان شاء الله خير .. من الاخر لو حابه الكليه والمجال ده ان شاء الله كله هيعدى على طول وهتبقى سنين جميله . ولو فيه اى مشكله "ربنا ميجيبش مشاكل " احنا كلنا موجودين هنا اسره واحده زى الاخوات ممكن تستفسرى عن اى حاجه تحتاجيها . فى انتظار مواقف طفوليه جديده منك يا اوشين -------------------- |
|
|
|
|
Jul 30 2010, 12:33 AM
مشاركة
#166
|
|
 عضو فعّال المجموعة: الأعضاء المشاركات: 4,047 التسجيل: 14/07/07 البلد: عابر سبيل رقم العضوية: 295 |
عندى حنين جامد اوى لايام زمان والطفولة
حنين غير عادى بجد فقلت ادخل هنا شوية واتابع معاكو لانى بقالى كتير مش دخلت هنا ولا فى مانع؟؟ -------------------- كال هوو ناا هوو  عندما يكون المنع من الله فهو قمة العطـــــــــــاء ... ترى؟ ان كان حنينى الى الاحياء يقتلنى فماذا عساه يفعل بى حنينى الى الاموات؟؟ |
|
|
|
 Jul 30 2010, 01:27 AM
مشاركة
#167
|
|
|
عضو المجموعة: الأعضاء المشاركات: 175 التسجيل: 30/07/09 البلد: مصر رقم العضوية: 4,088 الحالة :احيا بعيدا عن هذا العالم.واعيش في عالمي الخاص |
السلام عليكم
والله كتييييييير موضوع حلو ومتميز انتي يا دكتورة متتخيليش أنا بحب العودة بتفكيري لايام الطفولة بعيد عن جو الكلية والمذاكرة وغيره وليه مواقف كتييييييير منها اللي بحس كتيييييييير بكسوف لما بفتكر اني عملته بس كنت صغيرة بقى وانتوا عارفين شقاوة الاطفال يعني أفتكر مرة كنت بلعب انا واخواتي (أحمد ومحمود)تحت ف الشارع تحت الشجرة الكبيرة وكانت فروعها كبيييييييرة لدرجة ان أخويا جاب كرسي وحب يشد ورقها وكان وقتها لماذا تتقص وجدي قعد يقول كدة عيب يا ولاد واحنا مفيش فايدة هنادي على بابا يطلعكوا الشقة تاني وأحنا مفيش فايدة وبعدين ماما شفتنا قدرا نادت علينا ويومها انا واخواتي اخدنا شوية ضرب بصراحة ميتنسيييييييييييييييييييييش ومن يومها بسمع كلام جدو دي مثلا حاجة مش بنساها أبدا اخيرا شكرا ع الموضوع السلام عليكم تم تحرير المشاركة بواسطة نداء القدس: Jul 30 2010, 01:29 AM -------------------- ايا قدس يا درة الوجود
ستبقين رمز الاباء والصمود (نداء القدس) (نداء الأقصى) الى متى الاستكانة؟ الى متى؟ |
|
|
|
|
Jul 30 2010, 12:33 PM
مشاركة
#168
|
|
 عضو المجموعة: الأعضاء المشاركات: 120 التسجيل: 24/10/09 البلد: ... رقم العضوية: 4,614 الحالة :!!!!!!!!!!!!!!!!!!!!!!!!!!!!!!!!! |
موضوع جميل اوووووووى .... بجد ذكريات الطفولة دى احلى ذكريات عمرى
اسمعوا الموقف ده ........ معلش انا كنت طفلة مجنونة شوية كنت مرة عايزة اخرج العب بره وماما مكنتش راضية .... وقعدت اتحايل عليها مفيش فايدة _ " الساعة تقريبا كنت 2 الضهر ومفيش حد بره العب معاه اصلا "_ وبعدين انا عملت فيها بات مان ولازم اخرج يعنى هاخرج قمت قعدت افكر وهدانى مخى العبقرى - منه لله - انى اخرج من البلكونة _كنت لسة مخلصة فيلم سوبر مان وعايشة بقى_ وبعدين ببساطة جدا رحت طالعة سور البلكونة ونطيت فى الشا رع ههههههه بس الحمد لله كنا فى الدور الاول وقتها ... بس رجلى انجزعت وقعدتلى اسبوعين مشرفة فى البيت علشان التفكير الابداعى بتاعى --------------------  يا رب إن عظمـت ذنوبي كـثرةً - فلقـد علمتُ بأن عـفوك أعظمُ إن كان لا يرجـوك الا محسن - فبمن يـلوذ و يستجيـر المجرمُ أدعـوك رب كما أمرتَ تـضرعـاً - فإذا رددتَ يدي فمن ذا يرحمُ مالي إلـيـك وسـيـلـةٌ إلا الرجــا - وجميل عفوك ثم إني مسلمُ |
|
|
|
|
Jul 31 2010, 12:32 AM
مشاركة
#169
|
|
|
To Be Or Not To Be المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata |
إقتباس ندى حنين جامد اوى لايام زمان والطفولة حنين غير عادى بجد هى ايام متتعوضش اساسا .. ودايما بنحن ليها . على فكره الاعضاء عندهم حنين بردو لحكاياتك بتاعت ايام زمان والطفوله بردو .. انا قلت اوصل الرساله بس .. اللهم بلغت إقتباس فقلت ادخل هنا شوية واتابع معاكو لانى بقالى كتير مش دخلت هنا ولا فى مانع؟؟ لا طبعا .. بيتك ومطرحك وتنورينا فى اى وقت .. بس حاولى متدخليش بايدك فاضيه على قد ما تقدرى -------------------- |
|
|
|
|
Jul 31 2010, 12:16 PM
مشاركة
#170
|
|
 عضو المجموعة: الأعضاء المشاركات: 169 التسجيل: 02/03/09 رقم العضوية: 2,930 الحالة :..... |
إقتباس موضوع جميل اوووووووى .... بجد ذكريات الطفولة دى احلى ذكريات عمرى اسمعوا الموقف ده ........ معلش انا كنت طفلة مجنونة شوية كنت مرة عايزة اخرج العب بره وماما مكنتش راضية .... وقعدت اتحايل عليها مفيش فايدة _ " الساعة تقريبا كنت 2 الضهر ومفيش حد بره العب معاه اصلا "_ وبعدين انا عملت فيها بات مان ولازم اخرج يعنى هاخرج قمت قعدت افكر وهدانى مخى العبقرى - منه لله - انى اخرج من البلكونة _كنت لسة مخلصة فيلم سوبر مان وعايشة بقى_ وبعدين ببساطة جدا رحت طالعة سور البلكونة ونطيت فى الشا رع ههههههه بس الحمد لله كنا فى الدور الاول وقتها ... بس رجلى انجزعت وقعدتلى اسبوعين مشرفة فى البيت علشان التفكير الابداعى بتاعى طول عمرك متشردة يا حبيبتى يارب تعقلى بقى وتسمعى كلام ماما ههههههههههههههه --------------------  |
|
|
|
|
Jul 31 2010, 09:39 PM
مشاركة
#171
|
|
|
To Be Or Not To Be المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata |
إقتباس السلام عليكم وعليكم السلام ورحمة الله وبركاته إقتباس والله كتييييييير موضوع حلو ومتميز ثانكس يا دكتوره .. موضوع متميز بوجودكوا فيه إقتباس انتي يا دكتورة متتخيليش أنا بحب العودة بتفكيري لايام الطفولة بعيد عن جو الكلية والمذاكرة وغيره "انت يا دكتور متتخيلش" .. ده مجرد تعديل لو كان الكلام موجه ليه يعنى إقتباس وليه مواقف كتييييييير منها اللي بحس كتيييييييير بكسوف لما بفتكر اني عملته بس كنت صغيرة بقى وانتوا عارفين شقاوة الاطفال مواقف الطفوله مفيش اجمل منها .. ان كان الواحد بيحس بكسوف لما بيفتكرها بس بردو بيحس قد ايه كان الواحد تفكيره صافى وحسن النيه ي إقتباس عني أفتكر مرة كنت بلعب انا واخواتي (أحمد ومحمود)تحت ف الشارع تحت الشجرة الكبيرة وكانت فروعها كبيييييييرة لدرجة ان أخويا جاب كرسي وحب يشد ورقها وكان وقتها لماذا تتقص وجدي قعد يقول كدة عيب يا ولاد واحنا مفيش فايدة هنادي على بابا يطلعكوا الشقة تاني وأحنا مفيش فايدة كالعاده الاجداد مبيعرفوش يسيطروا على الاطفال قوى وده طبعا لحنيتهم . إقتباس وبعدين ماما شفتنا قدرا نادت علينا ويومها انا واخواتي اخدنا شوية ضرب بصراحة ميتنسيييييييييييييييييييييش ومن يومها بسمع كلام جدو شكله كان ضربا مربحا بس كويس انه جه بفايده .. اصل اعرف ناس مبينفعش معاهم الكلام ده اصلا إقتباس اخيرا شكرا ع الموضوع العفو .. شكرا ليكى على تفاعلك معانا .. فى انتظار المزيد ان مكنش فيه مانع .إقتباس السلام عليكم وعليكم السلام ورحمة الله وبركاته -------------------- |
|
|
|
|
Jul 31 2010, 09:40 PM
مشاركة
#172
|
|
|
To Be Or Not To Be المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata |
إقتباس موضوع جميل اوووووووى .... بجد ذكريات الطفولة دى احلى ذكريات عمرى موضوع اجمل بتواجدك يافندم ا إقتباس سمعوا الموقف ده ........ معلش انا كنت طفلة مجنونة شوية كنت مرة عايزة اخرج العب بره وماما مكنتش راضية .... وقعدت اتحايل عليها مفيش فايدة _ " الساعة تقريبا كنت 2 الضهر ومفيش حد بره العب معاه اصلا "_ وبعدين انا عملت فيها بات مان ولازم اخرج يعنى هاخرج قمت قعدت افكر وهدانى مخى العبقرى - منه لله - انى اخرج من البلكونة _كنت لسة مخلصة فيلم سوبر مان وعايشة بقى_ وبعدين ببساطة جدا رحت طالعة سور البلكونة ونطيت فى الشا رع ههههههه  بات مان ايه بس .. ايه الاطفال دى ده انا كنت فاكر نفسى شقى .. دا انا كنت امير بقى على كده إقتباس بس الحمد لله كنا فى الدور الاول وقتها ... بس رجلى انجزعت وقعدتلى اسبوعين مشرفة فى البيت علشان التفكير الابداعى بتاعى الحمد لله .. اهم حاجه تكونى نسيتى موضوع بات مان ده بعد كده خالص .. وتبدئى تفكرى بقى فى سوبر مان او هانكوك نورتى الموضوع يا شيراز .. فى انتظار المزيد من الطفوله المجنونه -------------------- |
|
|
|
|
Jul 31 2010, 10:19 PM
مشاركة
#173
|
|
|
عضو المجموعة: الأعضاء المشاركات: 175 التسجيل: 30/07/09 البلد: مصر رقم العضوية: 4,088 الحالة :احيا بعيدا عن هذا العالم.واعيش في عالمي الخاص |
[quote name='ANGEL' date='Jul 31 2010, 10:39 PM' post='371494
"انت يا دكتور متتخيلش" .. ده مجرد تعديل لو كان الكلام موجه . [/quote] السلام عليكم انا كتييييييييير كتيييييييييير بعتذر بس والله انا مش اقصد يا فندم خااااااااااااالص -------------------- ايا قدس يا درة الوجود
ستبقين رمز الاباء والصمود (نداء القدس) (نداء الأقصى) الى متى الاستكانة؟ الى متى؟ |
|
|
|
|
Jul 31 2010, 11:32 PM
مشاركة
#174
|
|
 عضو فعّال المجموعة: الأعضاء المشاركات: 679 التسجيل: 26/03/09 البلد: Neverland رقم العضوية: 3,096 الحالة :!! |
الموضوع حلوو اووي ..
يااريت تسمحو لي اني اشارك معاكو.. هو انا مش عندي ذكريات كتتير  ..بس حشارك معاكو بالي فاكراه ..في فتره كنا بنسافر فيها كتير ااوي .. فكان بيبقا في شنط وكراكيب كتيرها ماما وبابا كانوا بيحطوهم في اوطه لوحدهم علشان السفره الجاي .. المهم انا وقتها كنت صغيوره 3سنين وكنت لسه وحيده ..و ماما كانت وقتها حامل وكنت بحب اللعب مع نفسي كتتير .. فدخلت الاوطه الي فيها الحاجات .. وطلعت على شنطه كبيره وفتحت الشباك .. كان لسه اول الليل .. فكان في عيال بيلعبوا تحت وانا مش عارفه اللعب معاهم .. ينفع كده يعني  .. فلازم اشاركهم في اللعب ..قوم اعمل ايه .. بديت ارمي عليهم الحاجات الي في الاوطه .. اي حاجه كننت اقدر اشيلها كنت برميها من الشباك .. طبعا الولاد فرحوا .. ونادوا صحابهم علشان يساعدوهم انهم يلموا الحجات الي انا برميها .. وانا سعيده جدااا ان في ناس كتتير بتلعب معايه  ..مبن الي خد باله ..الجيران بتوعنا الي في الدور الي تحتينا .. وطلعوا بلغوا ماما .. بس بعد تقريبا ما شطبت على نص الحاجات الي كانت موجوده .. انا كل الي فاكراه من الحكايه دي .. منظر العيال في الشارع ... ومنظر بابا وماما لما دخل و الاوطه ولقوها شبه فاضيه  ..ماما بتقول اني كنت لما بختفي عن نظرها شويه بتعرف ان ورايا حاجه بعملها وكنت عاده بلخبط الدنيا .. .............................................. الموضع حلوو ااوي .. ان شاء الله لو افتكرت اي حاجه تانيه حكتبها ..--------------------  |
|
|
|
|
4 أسابيع مضت
مشاركة
#175
|
|
|
To Be Or Not To Be المجموعة: مشرف منتدي المشاركات: 3,542 التسجيل: 17/11/07 البلد: Sky رقم العضوية: 666 الحالة :Hakona Matata |
إقتباس السلام عليكم وعليكم السلام ورحمة الله وبركاته إقتباس انا كتييييييييير كتيييييييييير بعتذر بس والله انا مش اقصد يا فندم خااااااااااااالص حصل خير .. ومفيش حاجه تستدعى الاعتذار .إقتباس الموضوع حلوو اووي .. سعيد ان الموضوع عجبك .. وان شاء الله يبقى احلى بتواجدكم فيه .إقتباس يااريت تسمحو لي اني اشارك معاكو.. smile.gif اكيد .. بدون سماح .. ده موضوعك .إقتباس هو انا مش عندي ذكريات كتتير dry.gif ..بس حشارك معاكو بالي فاكراه .. في فتره كنا بنسافر فيها كتير ااوي .. فكان بيبقا في شنط وكراكيب كتيرها ماما وبابا كانوا بيحطوهم في اوطه لوحدهم علشان السفره الجاي .. المهم انا وقتها كنت صغيوره 3سنين وكنت لسه وحيده ..و ماما كانت وقتها حامل وكنت بحب اللعب مع نفسي كتتير .. فدخلت الاوطه الي فيها الحاجات .. وطلعت على شنطه كبيره وفتحت الشباك .. كان لسه اول الليل .. فكان في عيال بيلعبوا تحت وانا مش عارفه اللعب معاهم .. ينفع كده يعني sleep.gif .. فلازم اشاركهم في اللعب .. وجه وقت الاختراعات إقتباس قوم اعمل ايه rolleyes.gif .. بديت ارمي عليهم الحاجات الي في الاوطه .. laugh.gif اي حاجه كننت اقدر اشيلها كنت برميها من الشباك .. ونعم المشاركة  إقتباس طبعا الولاد فرحوا .. ونادوا صحابهم علشان يساعدوهم انهم يلموا الحجات الي انا برميها .. وانا سعيده جدااا ان في ناس كتتير بتلعب معايه happy.gif .. هما فرحوا اكيد .. بس ده مش لعب إقتباس مبن الي خد باله ..الجيران بتوعنا الي في الدور الي تحتينا .. وطلعوا بلغوا ماما .. بس بعد تقريبا ما شطبت على نص الحاجات الي كانت موجوده .. نصها بس .. بوظوا عليكى اللعبه قبل ما تخلصى  إقتباس انا كل الي فاكراه من الحكايه دي .. منظر العيال في الشارع ... ومنظر بابا وماما لما دخل بس معرفناش اى ريأكشن حصل منهم يعنى .. ولا ده سر والحااجات دى رجعت ولا العيال هربوا بيها إقتباس ماما بتقول اني كنت لما بختفي عن نظرها شويه بتعرف ان ورايا حاجه بعملها وكنت عاده بلخبط الدنيا .. عادة .. ده معناه انك ساعات كنتى بتعملى حاجات مفيده يعنى وانتى طفله لما بتختفى إقتباس الموضع حلوو ااوي .. ان شاء الله لو افتكرت اي حاجه تانيه حكتبها smile.gif .. الموضوع ازداد ثراء بتواجدك .. فى انتظار المزيد ان شاء الله .-------------------- |
|
|
|
|
4 أسابيع مضت
مشاركة
#176
|
|
 عضو فعّال المجموعة: الأعضاء المشاركات: 682 التسجيل: 26/12/08 البلد: بلا مكان .. بلا وطن رقم العضوية: 2,523 الحالة :صمتى ليس جهلا بما حولى ولكن ماحولى لايستحق الكلام |
حلو اوى الموضوع
شكرا على الفكرة الواحد ليه ذكريات كتير والله بس معظمها تشرد طبعا ههههههه انا كنت دايما مفترية ع العيال وانا صغيرة وطول مانا رايحة الدرس انا واخويا كنت لازم امشى الطش فى العيال واضربهم او ارن الجرس بتاع اى باب واجرى بس كنت بتشاف طبعا ولازم اول مارجع البيت الاقى مية شكوى منى وانضرب علقة محترمة الواحد ياما انضرب مرة برضو وانا صغيرة كنا بنشوى درة عند جدتى وانا واخويا واقفين جنب ماما وهى بتشوى عشان منتظرين كوز الدرة النحت بقى ههههه اصله بيبقى حلو اوى كل واحد مستعد ينتش ولما ماما طلعته جنبها اخويا لسه بيمسكه .... رحت زقاه وخدته منه المهم زقيته فين بقى ..... طبعا على النار ههههههه لقيناه قاعد ع النار وبيصرخ وانا نازلة ضحك طبعا كلهم جريوا بيه وللاسف طلعله فقافيق ومكانش بيعرف يقعد وانا مش ببطل ضحك بس اتعاقبت يومها وانضربت وحرمونى من العشا ههههههههه كانت ايااااااااااااام --------------------  |
|
|
|
|
منذ أسبوع
مشاركة
#177
|
|
 اقسى الكلمات هي كلمات لم نتوقعها من اشخاص لم نفارقهم المجموعة: مشرفة منتدي المشاركات: 7,499 التسجيل: 10/03/08 البلد: الجميلة مصر رقم العضوية: 1,147 الحالة :,, it is important to pick up words when we talk so as not to hurt any one |
إقتباس مرة برضو وانا صغيرة كنا بنشوى درة عند جدتى وانا واخويا واقفين جنب ماما وهى بتشوى عشان منتظرين كوز الدرة النحت بقى ههههه اصله بيبقى حلو اوى كل واحد مستعد ينتش ولما ماما طلعته جنبها اخويا لسه بيمسكه .... رحت زقاه وخدته منه المهم زقيته فين بقى ..... طبعا على النار ههههههه لقيناه قاعد ع النار وبيصرخ وانا نازلة ضحك طبعا كلهم جريوا بيه وللاسف طلعله فقافيق ومكانش بيعرف يقعد وانا مش ببطل ضحك بس اتعاقبت يومها وانضربت وحرمونى من العشا ههههههههه يانهار ابيض انا قولت ادخل اتفرج على المواقف الجديده لاني بقالي كتير مش بدخل الموضوع ده دخلت وقولت اقرأ من تحت لفوق  وده اول موقف شفته .. يخرب عقلك يامروة بجد فطستنيني من الضحك هو انا ليا موقف شبيه افتكرته من يومين كده ،، بس مش عارفه كنت قولته هنا ولا لآ بس مش شبهه اوي كده .. ده على ابداع كبير بصوا انا الكبيره وليا اختي اللي اصغر مني علطول المهم قبل ما ماما تجيب اختي الثالثه كنا فرحانين بالنونو اووي  المهم قعدنا نفكر قبل ما تيجي نعملها مفاجأه ايه ونرحب بيها ازاي ونلعب معاها ازاي هدانا تفكيرنا لكرتونه ...  روحنا جيبنا كرتونه ماما كانت حاطه فيها حاجات وعايناها اول كارثه اننا خرجنا الحاجات دي ..( الحاجات دي كانت قزاز ) قومنا فضيناها بسرعه على الشارع لغاية لما الحاجة اكسرت .. فرحنا ان الكارتونه معانا وعمالين نقول في بالنا ماما هتسامحنا لاننا بنجهز مفاجأه للنونو .. المهم بأه جبنا الكرتونه دي وحطيناها تحت السرير  لحد لما اختي رانيا جت الحمد لله  انا ونورة اختي بأه هيصنا جامد لاننا عاوزين نلعب بيها ( اعتقد ده كان التفكير السائد ساعتها عن اننا نرحب بيها ) ..المهم عاوزين ناخدها من غير ما حد يشوفنا ونلعب براحتنا كل الناس حواليها بأه وانا مش عارفه اسرقها واخدها ونلعب معاها استنيت لغاية لما الكل نام وبدأت الخطه جبناها وحطيناها في الكرتونه دي وانا من ناحيه ونورة من ناحيه وطبعا الكرتونه مش متينه وبعدين قعدنا نمرججها في الهوا بيها مرة يمين ومرة شمال كتير اوي وهي تضحك ( رانيا بأه ) واحنا فرحانين  لغاية لما الكرتونه اتقطعت ورانيا طارت وقعت على الارض وعيطت انا خوفت بأه انا ونورة قومنا قولنا نخبيها قال ايه بأه بالذكاء الخارق بتاعنا قومنا حطيناها تحت السرير وكورناها كده لغاية لما نزلت تحتيه وماما تدور بأه لغاية لما لاقتها ( ماهي فضحانا بصوتها ) ساعتها الكرتونه اتدشدشت فوق دماغنا احنا الاتنين بعد تحضير للمفاجأه دام اربع ايام  مفاجأه دي ولا مش مفاجأه يعني ؟  احنا غلطانين 
--------------------  |
|
|
|
|
منذ أسبوع
مشاركة
#178
|
|
 عضو المجموعة: الأعضاء المشاركات: 181 التسجيل: 24/01/10 البلد: عند بااااباااا و مااامااا رقم العضوية: 5,051 الحالة :معي ربي يكفيني عن اي حاجة لاي عبد يغنيني |
الموضوع ده حلو اوي بصراحة جاي في وقتة
الواحد دلوقتي بيحن للطفولة انا اعرف بس ايه اللي خلاني كبرت اما عن المواقف مفيش اكتر منها لما خلص امتحانات اكيد هدخل احكيهالكم موقف كده علي الماشي مرة انا واخويا الكبير بنلعب مع بعض وقال ايه عايز يرخم عليا ويلاقيني بجري وراه بالشاكوش في الشارع هو اللي لقيته قدامي مخلصوش من ايدي الا عمو اللي فاتح محل علي اول الشارع يلا اكيد حرم من بعدها يلعب معايا --------------------  : الحب طريقك للسعادة حاول ان تحب الدنيا رغم مابها من صعاب لكن لاتجعلها في قلبك واجعلها في يدك حاول ان تحب من حولك رغم مافيهم من انانية حاول ان تجد اي لمحة للحب لتجعلك سعيدا متفائلا في هذة الحياة الصعبة  |
|
|
|
|
منذ أسبوع
مشاركة
#179
|
|
|
عضو المجموعة: الأعضاء المشاركات: 181 التسجيل: 24/01/10 البلد: عند بااااباااا و مااامااا رقم العضوية: 5,051 الحالة :معي ربي يكفيني عن اي حاجة لاي عبد يغنيني |
علي فكرة انا مش شريرة اوي كده بس لازم الواحد كان يعمل لنفسة كيان في البيت مع الكبير قبل الصغير ولا ايييه
-------------------- : الحب طريقك للسعادة حاول ان تحب الدنيا رغم مابها من صعاب لكن لاتجعلها في قلبك واجعلها في يدك حاول ان تحب من حولك رغم مافيهم من انانية حاول ان تجد اي لمحة للحب لتجعلك سعيدا متفائلا في هذة الحياة الصعبة |
|
|
|
 |
| toolbar powered by Conduit |
|
نسخة خفيفة | SEO by MinervaSEO © Icelabz.net | الوقت الآن: 4th September 2010 - 11:32 PM |
